ଆମର୍ ଓଡିଶାର୍ ସ୍ୱାଭିମାନ ଅଂଚଲ ମାନ୍କେ ମାଓବାଦି ମାନେ କବ୍ଜା କରିଥିବାର୍ କେ ନେଇକରି ସେ ଅଂଚଲ ମାନକୁଁ କେନ୍ତା କରି ମାଓବାଦୀ ମାନକଁର୍ କବ୍ଜା ନୁ ଛଡାଯିବା ସେ ନେଇକରି ଡିଜିପି ଅଭୟ ନିଷ୍ପତି ନେଇଛନ୍ । ଅଧିକା ମାଓବାଦୀ ରହିଥିବାର୍ ଅଂଚଲ୍ ମାନକଁର୍ ସୀମା ସିଲ୍ କରବାର୍ ଲାଗି ସ୍ୱାଭିମାନ୍ ଅଂଚଲର୍ ଏସ୍ପି ମାନକୁଁ ନିର୍ଦ୍ଦେଶ୍ ଦେଇଛନ୍ । ଓଡିଶାର୍ ମାଓବାଦୀ ମାନକଁର୍ ଭିତ୍ରୁ ୧୭ଶତକଡା ଛତିଶ୍ଗଡି ମାଓବାଦୀ ଅଛନ୍ । ସେମାନେ ଛତିଶଗଡ ଆର୍ ଓଡିଶା ବର୍ଡର୍ ଦେଇକରି ସ୍ୱାଭିମାନ ଅଂଚଲ୍ କେ ଆସୁଥିଲେ । ସ୍ୱାଭିମାନ୍ ଅଂଚଲ୍ ନେ ଜଙ୍ଗଲ୍ ନେ ସେମାନେ ରହିକରି ଲୋକ୍ ମାନକୁଁ ଡରାବାର୍ ସାଙ୍ଗେ ସେମାନକୁଁ ମାଓ ସଂଗଠନନେ ସାମିଲ୍ କରୁଥିଲେ ।ସେଥିର୍ ଲାଗି ଓଡିଶାନେ ମାଓବାଦୀ ମାନକଁର୍ ଦବ୍ଦବା କେ କମାବାର୍ ଲାଗି ରାଜ୍ୟ ପୁଲିସ ଏନ୍ତା ପଦକ୍ଷେପ୍ ନେଇଛେ ।
